Ortaǵasyrlyq Saraıshyq – QazaQ Eliniń astanasy
«Saraıshyq» memlekettik tarıhı – mádenı mýzeı – qoryģy»

Konferencıa


2019 жыл 12 сәуір

«Туған өлкені зерттеу: оның маңызы және басым бағыттары» атты облыстық ғылыми-тәжірибелік конференцияның

ҚАРАРЫ

Атырау облысы Махамбет ауданы Сарайшық ауылында 2019 жылдың 12 сәуірінде өткен «Туған өлкені зерттеу: оның маңызы және басым бағыттары» атты облыстық ғылыми-тәжірибелік конференцияға қатысушылар Атырау өңірінің тарихи-мәдени мұрасын сақтау, бүгінгі ұрпақтың санасында көне мұраларға құрмет сезімін қалыптастыру, азаматтардың бойында отаншылдық, патриоттық сезімдерді қалыптастыру және білім беру ошақтарында өлкетану жұмысын ұйымдастыру мақсатында төмендегідей қарар қабылдайды:

1.Орта білім беру ошақтарындағы облыстық ғылыми-тәжірибелік «Өлкетану» конференциясын жыл сайын Сарайшық музей қорығында ұйымдастыру;

2. Атырау облыстық Білім басқармасымен бірлесе отырып ортағасырлық Сарайшық қаласының тарихи орнында жас археологтар клубын ұйымдастыру;

3. Облыс аумағынан тарихи жәдігерлерді Сарайшық мұражайына тапсыру шарасын қолға алу;

4. Облыс аумағында табылған тарихи жәдігерлер туралы ақпаратты «Сарайшық» музей-қорығының мамандарына хабарлау;

5. Аудандық білім бөлімдері өлкетану бойынша семинар-кеңес, дөңгелек үстелдер өткізуді ұйымдастыру;

6. Ортағасырлық Сарайшық қаласы тарихын Өлкетану оқулығындағы ақпаратты көбейту және қала тарихына қатысты ашық сабақты Сарайшық музей-қорығында ұйымдастыру

Конференция жинағын жүктеу


2019 жыл 10 қазан

«Жошы ұлысы және Сарайшық – Қазақ мемлекеттілігінің бастауында» атты халықаралық ғылыми-тәжірибелік конференция

2019 жылы 10 қазанда Атырау қаласында Қазақстан Республикасы Мәдениет және спорт министрлігі «Сарайшық» мемлекеттік тарихи-мәдени музей-қорығы» республикалық мемлекеттік қазыналық кәсіпорны, Атырау өңірлік «Рухани жаңғыру» жобалық кеңсесі, А.Яссауи атындағы ХҚТУ Евразия ғылыми-зерттеу институты бірлесе «Жошы ұлысы және Сарайшық – Қазақ мемлекеттілігінің бастауында» атты Халықаралық ғылыми-тәжірибелік конференция өткізді. Алтын Орданың 750 жылдық мерейтойын мерекелеу іс-шаралары аясында өткізілген конференция алтынордалық кезеңнің жарқын ескерткіші – Сарайшық қаласы орнының туристік мүмкіндіктерін саралап, ғылыми-зерттеушілік ізденістерді дамыту мақсатында ұйымдастырылған. Конференцияға Қытай, Түркия, Германия, Ресей елдерінен және Қазақстанның әр өңірінен Алтын Орда кезеңін зерттеуші ғалымдар қатысты. Конференция модераторы – «Сарайшық» музей-қорығының директоры, т.ғ.д. Ә.Мұқтар.
Шараның ашылуында Атырау облысы әкімі Нұрлан Ноғаев құттықтау сөз сөйледі. Қазақстан тарихшылары атынан ҚР ҰҒА корреспондент-мүшесі, т.ғ.д., профессор Хангелді Әбжанов, шетелдік ғалымдар атынан Түркия Республикасынан келген Еуразия ғылыми-зерттеу институты директорының орынбасары, PhD докторы Суат Бейлур құттықтау сөз арнады.
Конференцияның алқалық мәжілісінде т.ғ.д. Али Риза Яглы (Гиресун университеті, Түркия Республикасы), т.ғ.д. Әбділәшім Дүйсенәлі (Орталық Ұлттар университеті Пекин, Қытай Халық Республикасы), з.ғ.к. Роман Почекаев (Ұлттық зерттеу университетінің экономика жоғарғы мектебі, Санкт-Петербург, Ресей Федерациясы), т.ғ.д. Нұрлан Кенжеахмет (Бонн университеті, Германия), PhD докторы Абдулла Гюндоғды (Анкара университеті, Түркия Республикасы), Шәкәрім атындағы Семей мемлекеттік университетінен т.ғ.к. Амантай Исин, ҚазҰАУ-дың профессоры, т.ғ.к. Нұрлан Атығаев, профессор Әбілсейіт Мұқтар баяндама жасады. Төмендегі секциялар бойынша конференцияға ұсынылған баяндамалар талқыланды.

  • «Жошы Ұлысының деректану, тарихнама, археология және нумизматикалық мәселелері»;
  • «Жошы Ұлысының тарихы мен мәдениеті»;
  • «Ұлы Дала өркениеті және мемлекеттілігі».

Конференцияға баяндамамен қатысқан зерттеушілерге сертификаттар табыс етіліп, сыйлықтар берілді.

Конференция жинағын жүктеу


2020 жыл 15 мамыр

«Туған өлкені зерттеу: оның маңызы және басым бағыттары» ІІ Республикалық онлайн ғылыми-тәжірибелік конференциясы

2020 жылы 15 мамырда Қазақстан Республикасы Мәдениет және спорт министрлігі «Сарайшық» мемлекеттік тарихи-мәдени музей-қорығының ұйымдастыруымен «Туған өлкені зерттеу: оның маңызы және басым бағыттары» ІІ Республикалық онлайн ғылыми-тәжірибелік конференциясы өтті. Конференция модераторы «Сарайшық» мемлекеттік тарихи-мәдени музей-қорығының директоры, т.ғ.д., профессор Ә.Қ. Мұқтар болды. Қазақстан Республикасының Мәдениет және спорт министрлігінің өкілі А.Жолаев ашып, конференцияны ашып, оның мақсат-міндеттерімен таныстырды.

Конференция спикерлері ретінде елімізге белгілі ғалымдар, өлкетанушылар, мектеп ұстаздары шақырылды. Олар ҰҒА корреспондент мүшесі, т.ғ.д., әл-Фараби атындағы Қазақ Ұлттық университетінің профессоры Б.Б. Кәрібаев «Өлкетанудың өзекті мәселелері» (Алматы қаласы), т.ғ.д., М.Әуезов атындағы Оңтүстік Қазақстан мемлекеттік университеті профессоры С.Н. Әлібек «Туған өлкені зерттеудің кейбір мәселелері»(Шымкент қаласы), т.ғ.к., А.Байтұрсынов атындағы Қостанай мемлекеттік университетінің қауымдастырылған профессоры С.С. Исмаилов «Основные проблемы краеведения в настоящее время (на примере Костанайской области)» (Қостанай қаласы), т.ғ.к., Қ.Жұбанов атындағы Ақтөбе өңірлік мемлекеттік университетінің аға оқытушысы А.Т. Мәден «Өлкетану және Ақтөбе өңірі тарихының мәселелері» (Ақтөбе қаласы), Назарбаев университеті археология магистрі А.Ж. Жүнісханов «Археологиялық ықшам аудандарды зерттеу перспективалары: Көкентау кешені мысалында» (Нұр-Cұлтан қаласы), Жәңгір хан атындағы тарихи-этнографиялық музей меңгерушісі, «Үздік өлкетанушы» Н.Ж. Төлепов «Сырым Датұлы мен Исатай-Махамбетке қатысты тарихи жерлерді анықтау және дәлелдеу мәселелері» (Орал қаласы), Атырау облысы, Құрманғазы ауданы, Ф.Энгельс атындағы жалпы орта мектептің мұғалімі Ә.Г. Беккалиева «Мектептегі өлкетану жұмыстарын ұйымдастыру тәжірибелері», «Сарайшық» мемлекеттік тарихи-мәдени музей-қорығының бас қор сақтаушысы О.Қ.Сағынбаева «Сарайшық жәдігерлері және өлкетану» тақырыптарында баяндама жасады. Сонымен бірге конференцияға еліміздің өзге қалаларының ғалымдары, өлкетанушылар, мектеп мұғалімдері, магистранттар, студенттер қатысты. Конференция барысында сұрақ-жауап ұйымдастырылды. Бүгінгі өлкетану ғылымының жайы, мектеп оқулықтарындағы күрделі мәселелер, ел ішіндегі аңыз-әңгімелерді жинау, тарихи-географиялық, жер-су атауларына назар аудару, облыс аралық ғалымдардың өзара байланысы т.т. талқыға салынды. 

 Конференцияның негізгі бағыттары:

1. Жалпы орта білім беру бағдарламасындағы «Өлкетану» пәнінің оқытылуы. Өлкетану жұмыстарын ұйымдастыру жолдары

2. Өлкедегі тарихи-мәдени ескерткіштер

3. Ұлық Ұлыс (Алтын Орда) мұрасы - әлем тарихында

4. Сарайшық қаласы: жаңа зерттеулер және пайымдар

Конференция жинағын жүктеу


2021 жыл 12 сәуір

ІІІ "Туған өлкені зерттеу: оның маңызы және басым бағыттары" атты республикалық ғылыми-тәжірибелік конференция

12 сәуір – ғылым саласы қызметкерлері күні "Сарайшық" мемлекеттік тарихи-мәдени музей-қорығы ІІІ "Туған өлкені зерттеу: оның маңызы және басым бағыттары" атты республикалық ғылыми-тәжірибелік конференцияны өткізді. Шараға Алматы, Атырау, Ақтөбе, Батыс Қазақстан, Түркістан облыстарынан тарихшы, филолог ғалымдар, музей және білім саласының қызметкерлері, магистранттар мен студенттер қатысты. Конфенцияны «Сарайшық» музей-қорығы директорының орынбасары А.Тұрарұлы жүргізді. Баяндамашылар: М.Өтемісов атындағы БҚУ доценті, ҚР тарихы кафедрасының меңгерушісі, т.ғ.к. Альфия Байбулсинова «Қуғын-сүргінге ұшыраған Алаш қайраткерлері туралы деректер» баяндамасымен, С.Бәйішев атындағы Ақтөбе университетінің профессоры, ф.ғ.д. Жұманазар Асан «Ақсақ Темір және түркі әлемі» баяндамасымен, «Әзірет Сұлтан» мемлекеттік тарихи-мәдени қорық-музейінің ғылыми қызметкері, тарих магистрі Динара Арынова «Алтын Орда дәуіріндегі қазақ жерінде дамыған жазба мәдениет» баяндамасымен, М.Тынышпаев атындағы Алматы облыстық тарихи-өлкетану музейінің экскурсия жүргізушісі Дарын Қасенов «Ұлы Жібек жолы бойындағы Жетісудің ортағасырлық Қойлық қаласы (VIII-XIV ғғ.)» баяндамасымен, Атырау облысындағы жалпы білім беретін Аққыстау орта мектебінің тарих пәнінің мұғалімі Светлана Қойшекен «Туған өлке тарихы бойынша оқушыларды ғылыми жоба жұмысына баулу» баяндамасымен сөз сөйледі. Конференцияда Жәңгір хан атындағы тарихи-этнографиялық музейінің меңгерушісі Нұржан Төлепов өз зерттеуі нәтижесінде "Үш қиян" толғауының авторы деп М.Өтемісұлын атауды ұсынды. Сөз соңында т.ғ.д, профессор Ұлжан Ахметова музей-қорықтағы ғылыми жоба туралы айттып берді. Сонымен қатар баяндамашыларға сұрақтар қойылып, өзара пікір алмасулар болды.

Конференция жинағын жүктеу

 

 

 

 

Jūmys kestesі

Düisenbі/Jeksenbі: 09:00-18:30

Tüskі üzіlіs uaqyty: 12:30-14:00

Kerі bailanys

Tel/faks: 8-712 362 55 06

E-maıl: museumsaraıshık@maıl.ru

Sayahat kartasy