2023 жылы 17 мамырда ҚР Мәдениет және спорт министрлігі Мәдениет комитетінің «Сарайшық» мемлекеттік тарихи-мәдени музей қорығы» РМҚК ұйымдастыруымен «Сарайшық оқулары - 2023» республикалық ғылыми-тәжірибелік конференциясы өткізілді.
Конференцияның алғы сөзін «Сарайшық» музей-қорығының директоры, т.ғ.д., профессор Ә.Қ. Мұқтар алып, конференцияның сәтті өтуіне лебізін білдірді. Конференцияның пленарлық мәжілісінде Ш.Ш.Уәлиханов атындағы Тарих және этнология институтының бас ғылыми қызметкері, тарих ғылымдарының докторы Тоқтабай Ахмет Уәлханұлы «Сарайшық аңыздары және тарихи шындық», С.Баишев атындағы Ақтөбе университетінің профессоры, филология ғылымдарының докторы Асанов Жұманазар «Қалу, Сары – Мұса бидің ұрпақтары», өлкетанушы Ауелбаев Сәтқали «Қалабасы - ортағасырлық Сарайшықтың бастауы», Х.Досмұхамедов атындағы Атырау университетінің қауымдастырылған профессоры, философия ғылымдарының докторы Бекежан Өмірбек Қадырханұлы «Сарайшық және Алтын Орданың діни жағдайы», Х. Досмұхамедов атындағы Атырау университетінің профессоры, тарих ғылымдарының кандидаты Жұмабаева Жұмазия Кенжебайқызы «XVI-XIX ғғ. Солтүстік Каспий өңіріндегі этно-саяси процестер және Сарайшық», Х. Досмұхамедов атындағы Атырау университетінің профессоры, тарих ғылымдарының докторы Ахметова Улжан Төлегенқызы «Сарайшық-Үргеніш-Сарайшық көне керуен жолдар мен керуен сарайлар ізімен (ғылыми-зерттеу экспедициясы жұмысының нәтижелері)» тақырыптарында тың баяндамалар жасады.
Пленарлық отырыстан кейін конференцияның 2 бағытта секциялық отырысы өткізілді. Секциялық отырыстар т.ғ.д., профессор У.Т. Ахметова және т.ғ.к., профессор Ж.К. Жұмабаеваның жетекшілігімен өткізілді. Секциялық отырыста Абай атындағы Қазақ ұлттық педагогикалық университетінің оқытушысы Бейсенбаева Гульназ Канышқызының «Методические рекомендации по изучению городища Сарайшик на примерах археологических раскопок в школьной программе», Р.Б. Сүлейменов атындағы Шығыстану институтының жетекші ғылыми қызметкері Курумбаев Айбулат Шамуратовичтың «История изучения комплекса эпиграфических памятников «Хан зираты» Бокейординского района Западно-Казахстанской области», Алматы қаласындағы №38-інші қазақ-орыс гимназиясының мұғалімі Ешмухамбетова Айна Джанбулатовнаның «Охрана памятников историко-культурного наследия Казахстана», З.Қабдолов атындағы жалпы білім беретін № 40 орта мектебінің тарих пәні мұғалімі Самаликова Жаңылсын Шахидоллаевнаның «Көкжар мешітінің тарихы мен тағылымы», №13Д.Байбосынов атындағы мектеп-гимназия «шебер педагог» санатты тарих және құқық пәні мұғалімі Утеулиев Жума Тапеновичтің «Алтын Орда мемлекеті: жаңа тарихи көзқарастар мен ғылыми тұжырымдар», №13 Д.Байбосынов атындағы мектеп-гимназиясының тарих және құқық пәні мұғалімі Айжарық Ләззат Бисембайқызының «Атырау өлкесіндегі ортағасырлық қалалар мен мекендер», Х. Досмұхамедов атындағы Атырау университетінің магистранты Қалияқпар Жантөре Амангелдіұлының «У.Х. Шәлекеновтың археологиялық зерттеулері» атты баяндамалары тыңдалынды. Конферения соңында қатысушыларға сертификаттар табысталды.
 |
 |
 |
 |
