Облысымызға жұмыс сапарымен келген ҚР Парламент Мәжілісінің депутаты, Қазақстан халқы Ассамблеясының мүшесі Ташқараев Ғани Әбдіғаниұлы "Сарайшық" музей-қорығына келіп, музей-қорық жұмыстарымен танысты.
"Сарайшық" музей-қорығына арналған "Сапар орталығы" құрылысы қарқынды жүруде.
“Сарайшық” музей-қорығының директоры, т.ғ.д., профессор Ә.Мұқтар 2021 жыл 13 желтоқсанда ҚР Тұңғыш Президент Нұрсұлтан Әбішұлының бастамасымен, ел Президенті Қасым-Жомарт Кемелұлы Тоқаевтың арнайы Жарлығымен Тәуелсіздігіміздің 30 жылдығын мерекелеудің жалпыұлттық жоспарын жүзеге асыру мақсатында Атырау облысы тарихи-өлкетану музейі ұйымдастыруымен өткен "Бопай ханым: өнеге толы өмірі мен қоғамдық-саяси қызметі" атты конференцияға қатысты. Конференция жұмысында "Бопай ананың қоғамдық саяси қызметі" тақырыбында мазмұнды баяндама жасады.
"Сарайшық" мемлекеттік тарихи-мәдени музей-қорығы РМҚК мен Х. Досмұхамедов атындағы Атырау университеті ынтымақтастық меморандумына қол қойды.
10 желтоқсанда "Сарайшық" мемлекеттік тарихи-мәдени музей-қорығы Х. Досмұхамедов атындағы Атырау университеті және Х. Табылдиев атындағы Каспий өңірінің тарихы, археологиясы және этнологиясы ғылыми-зерттеу институтымен бірлесе «Алтын Орда – Сарайшық: ата тарихымыздың даңқты беттері» атты дөңгелек үстел өткізді.
10 желтоқсанда Х. Досмұхамедов атындағы Атырау университетінде "Сарайшық" мемлекеттік тарихи-мәдени музей-қорығының "Алтын Орда жәдігерлері сөйлейді" атты жылжымалы көрмесі басталды.
«Сарайшық» мемлекеттік тарихи-мәдени музей-қорығы «Қараңғылықтағы серуен» жобасы аясында зағип жандардың «Сенім шыңы» қоғамдық ұйымының бір топ мүшелерін қабылдап, Сарайшық тарихымен таныстырды. Қоғамдық қор төрағасы Умбетияров Марат Қуанышұлының ұйымдастырумен қонақтар жәдігерлермен жақын танысып, емін-еркін түрде пікір алмасты. Өз тарапынан қонақтар да музей-қорық ұжымына ризашылық білдірді.
Дүйсенбі/Жексенбі: 09:00-18:30
Түскі үзіліссіз/демалыссыз
Тел/факс: +7 702 059 7858
E-mail: museumsaraishik@mail.ru