12 қыркүйек күні, Атырау облысы дене шынықтыру, спорт және туризм басқармасы, Атырау қаласы әкімдігі, Атырау облысы Полиция департаменті, «Сарайшық» мемлекеттік тарихи-мәдени музей-қорығы және Атырау облыстық велосипед спорты федерациясының ұйымдастыруымен «Tour de Saraishyq – 2026» велошеруі өтті.
Велошерудің негізгі мақсаты – ішкі туризмді дамыту, тарихи Сарайшық қаласының маңызын кеңінен насихаттау, өңірдің туристік әлеуетін арттыру, сондай-ақ салауатты өмір салтын қалыптастырып, белсенді демалысты қолдау.
100 шақырымдық бағыт Атырау қаласындағы Сұлтан Бейбарыс алаңынан бастау алып, қаланың басты көшелері мен көрікті жерлері арқылы өтіп, Еуропа мен Азияны жалғайтын көпірлерді басып өтіп, Махамбет ауданының Сарайшық ауылындағы Сарайшық сапар орталығында мәреге жетті.Шараға Атырау қаласы мен еліміздің өзге өңірлерінен, сондай-ақ шетелден келген 150-ден астам велошабандоз қатысты.
Қатысушылар 100 шақырымдық қашықтықты еңсеріп, тарихи Сарайшыққа дейінгі велошеруге белсене атсалысты.
«Tour de Saraishyq – 2026» – спорт пен тарихты, туризм мен туған өлке табиғатын тоғыстырған маңызды іс-шара. Велошеруға қатысушылар Сарайшықтың тарихи-мәдени мұрасымен танысып, Атырау өңірінің туристік мүмкіндіктерін кеңінен насихаттауға өз үлестерін қосты.
