«Сарайшық» мемлекеттік тарихи-мәдени музей-қорығының қор сатып алу (іріктеу) комиссиясы 2023 жылы бірнеше археологиялық қазбалар барысында табылған құнды жәдігерлерге сараптама жасап, оларды музей қорына қабылдау туралы шешім қабылдады.
Жәдігерлер келесі ғылыми жобалар аясында табылған:
ҚР Ғылым және жоғары білім министрлігі қаржыландыратын «Астаналық Сарайшық қаласы Жошы Ұлысының тарихи-мәдени мұра контекстісінде (XIII–XIV ғғ.)» жобасы (2023 ж., №2 қазба); ҚР Мәдениет және спорт министрлігінің BR10164208 бағдарламасы бойынша жүргізілген «Қазақстанның батыс өңіріндегі Алтынордалық қалалар, көне керуен жолдары және керуен-сарайлар: пәнаралық зерттеулер (XIII–XV ғғ.)» жобасы (2023 ж., №3 қазба); Атырау облыстық тарихи-өлкетану музейінің археологиялық зерттеулері; Сондай-ақ, «Музейге-сый» акциясы арқылы қабылданған жәдігерлер.Оның ішінде: күміс және мыс тиындар, онгондар, алтын топса фрагменті, альбарелло және т.б. этнографиялық жәдігерлер бар.
