12 наурызда "Сарайшық" мемлекеттік тарихи-мәдени музей-қорығы ғалымдары Қорқыт ата атындағы Қызылорда университеті ұйымдастырған "Алтын Орда және Қазақ мемлекетінің қалыптасуы" атты дөңгелек үстелге қатысты. Дөңгелек үстелде т.ғ.д., профессор Ә. Мұқтар, РФ, Татарстан Республикасы Казань Федеральді университетінің Халықаралық қатынастар, тарих және шығыстану институты, Халықаралық және әлемдік тарих қатынастарының жоғары мектебінің «Археология және реставрация» кафедрасының доценті, т.ғ.к., С. Валиулина және басқа ғалымдар баяндама жасады. Сондай-ақ, Алтын Орда ыдырауы, елдің Евразиядағы рөлі, шыны өндірісі мен ақша айналымы, алтынордалық Сыр өңірі қалалары туралы жаңа деректер тыңдалды.