Бүгін, 4 қазанда «Сарайшық» сапар орталығында Қазақстан Республикасы Мәдениет және ақпарат министрлігі Мәдениет комитетінің «Сарайшық» мемлекеттік тарихи-мәдени музей-қорығы» РМҚК ұйымдастыруымен Жошы Ұлысының 800 жылдығына орай «Сарайшық және Еуразияның ортағасырлық әлемі» Республикалық ғылыми-тәжірибелік конференциясының ашылу салтанаты өтті. Конференция модераторы «Сарайшық» музей-қорығының директоры, т.ғ.д., профессор Мұқтар Әбілсейіт Қапизұлы алғы сөз сөйлеп, келген қонақтармен таныстырды. Шараның ашылуында Атырау облысы әкімі Шапкенов Серік Жамбылұлы құттықтау сөз сөйлеп, ортағасырлық Сарайшыққа қосқан зор үлесі үшін Сарайшықтанушы, археолог, тарих ғылымдарының докторы, профессор Самашев Зайнолла Самашұлына “Атырау облысының Құрметті азаматы” атағын беріп, шапан жапты.