«Сарайшық» мемлекеттік тарихи-мәдени музей-қорығында газет-журналдарға арналған жаңа ақпараттық бұрыш ашылды.
Енді музей-қорыққа келушілер арнайы ақпараттық үстелден республикалық, облыстық және жергілікті мерзімді басылымдармен танысып, елімізде және өңірде болып жатқан жаңалықтардан хабардар бола алады.
Ақпараттық бұрыштың басты мақсаты – келушілердің мерзімді басылымдарға деген қызығушылығын арттыру, тарихи-мәдени және қоғамдық ақпараттарды кеңінен насихаттау.
Музей-қорыққа келіңіз, тарихпен танысып, жаңа ақпаратпен сусындаңыз!
