Ертең, 12 қыркүйек күні Атырау облысында екінші жыл қатарынан республикалық ауқымды спорттық және туристік іс-шара – «Tour de Saraishyq 2026» әуесқой спортшылар мен шетелдік қонақтардың қатысуымен велошеруі өтеді.
Ұзындығы 100 шақырым болатын бағыт Атырау қаласындағы Сұлтан Бейбарыс алаңынан бастау алып, қала ішіндегі басты көшелер мен көрнекті орындар, Еуропа мен Азияны байланыстыратын көпірлер арқылы өтіп, Махамбет ауданының Сарайшық ауылындағы «Сарайшық» сапар орталығы алдында мәреге жетеді.
Осылайша, қатысушылар екі құрлықтың тоғысқан жерін ерекше сезініп, Атырау өңірінің тарихи және мәдени болмысымен таныса алады.
