«Сарайшық» мемлекеттік тарихи-мәдени музей-қорығының ғалымдары Атырау қаласы, Береке ауылындағы №47 мектептің оқушылары – Мейрамбекқызы Асылайым мен Жоламан Айшаның ортағасырлық Сарайшық тақырыбына арналған ғылыми жобасына қолдау көрсетті.
Кездесу барысында жас зерттеушілер өздерін қызықтырған сұрақтарын қойып, музей мамандарынан құнды жауаптар мен бағыт-бағдар алды. Сынып жетекшісі Камшат Оразқызының жетекшілігімен жүргізіліп жатқан бұл ғылыми ізденіс – өскелең ұрпақтың тарихқа деген қызығушылығының айқын көрінісі.
