Сарайшық музей қорығы Қазақстан Республикасы Мәдениет және ақпарат министрлігі Мәдениет комитетінің 2023-2025 жылдарға жариялаған бағдарламалық-нысаналы қаржыландыруға арналған конкурсында «Алтынордалық Сарайшық, Ұшқан, Ащысай, Қарағайлы ескерткіштері тарихи-мәдени мұра контекстісінде (ХІІІ-ХV ғғ.)» ғылыми бағдарламасын ұтып алды. Ұлттық Ғылыми Кеңестің 2024 жылғы 19-26 қаңтардағы №1 отырысы бағдарламаға қолдау білдірді. Бағдарлама жетекшісі т.ғ.д., қауымдастырылған профессор Ұлжан Ахметова. Бағдарлама Жошы Ұлысының сан қырлы тарихын жаңаша саралауға жол ашады деп есептейміз.