«Сарайшық» мемлекеттік тарихи-мәдени музей-қорығы 1 наурыз Алғыс айту күніне орай ауылдық Мәдениет үйімен бірлесіп, Сарайшық ауылының бір топ ардагер ұлт өкілдерімен кездесу өткізді. Кездесуге келген Г.Амиров ақсақал татар ұлты, Истомина Р.Н. мен Қайреденова Л.Н. белорус ұлты, Чеченев П.Б. пен Соловьева З.В. орыс ұлтының өкілі ретінде өз алғыстарын білдірді. Өзге ұлт болса да, қазақтың салт-дәстүрін құрметтеп, ауылдың бірлігі мен берекесін келтіріп отырған жерлестерге ұйымдастырушылар да ауыл тұрғындары атынан жылы лебіздерін жеткізіп, әннен шашу шашты.