2024 жылдың 3 шілде күні Қазақстан Республикасы Мәдениет және ақпарат министрлігі Мәдениет комитетінің «Сарайшық» мемлекеттік тарихи-мәдени музей-қорығының директоры, т.ғ.д., профессор Мұқтар Әбілсейіт Қапизұлы мен Өзбекстан Республикасы Самарқанд мемлекеттік музей-қорығы директоры, т.ғ.к. Самибаев Масуд Кимовичпен музей ісі саласындағы ынтымақтастық туралы меморандумға қол қойды. Меморандум аясында өзара көрмелер, дөңгелек үстел, конференциялар өткізу, реставрация және консервация лабораториясында ғылыми зерттеу жұмыстарын жүргізу, тәжірибе алмасуға қол жеткізілді. Музей-қорық лабораториясы металл және керамикаларды қалпына келтірумен айналысады. Кездесу барысында музейлердің баспа өнімдері өзара алмасылып, музей-қорық экспозициясы таныстырылды.