16-17 сәуірде Атырау облысы Индер ауданында «Сарайшық» мемлекеттік тарихи-мәдени музей-қорығы ұйымдастырған «Ортағасырлық Сарайшық: Қазақ Елінің астанасы» атты жылжымалы көрме болып өтті. Көрмеден құрылыс тастары, су және кәріз құбырлары, зергерлік бұйымдары, қағаз ақша және тиындар, сүйектен жасалған құралдар, Сарайшық жайлы еңбектер және архив құжаттары, қылыш, жебе, найзаның басы, Сарайшық туралы сыр шертетін суреттер (Автор: Отарбай Кендір) келушілердің назарына ұсынылды. Екі күнге созылған көрме барысында мұғалімдер және оқушылар, ардагерлер жалпы алғанда 200-ге жақын адам тамашалады.