2019 жылдың 10-сәуір күні «Сарайшық» мемлекеттік тарихи – мәдени музей-қорығы «Ортағасырлық Сарайшық: Қазақ Елінің астанасы» атты жылжымалы көрмесі №4 Арнаулы әлеуметтік қызмет көрсету орталығына келіп, мұндағы жасы үлкен кісілерге және Атырау Ардагерлер кеңесі өкілдеріне қала тарихы жайлы сыр шертетін жәдігерлер ұсынылды. Көрмеде археологиялық зерттеулер нәтижесінде табылған қыш-құмыралар, су және кәріз құбырлары, тиындар, сонымен қатар зергерлік бұйымдары орын алды. Көрмені мекеме жұмысшыларымен қосып есептегенде 40 жуық адам тамашалады.