«Сарайшық» мемлекеттік тарихи-мәдени музей-қорығы 9 маусым күні «Көршілес музейлер» жобасы аясында Атырау облысы Қызылқоға аудандық музейімен әлеуметтік желіде тікелей эфирде онлайн - экскурсия өткізді. 2019 жылдан бері жалғасып келе жатқан бұл жоба бойынша 7 музеймен тікелей эфирде онлайн-экскурсия өткізілді. Музейлер арасындағы өзара байланысты нығайтып, тәжірибе алмасуда бұл жобаның маңызы зор. Бүгінгі саяхат барысында ортағасырлық Сарайшық қаласының тарихымен қызылқоғалық көрермендерді таныстырып, қызықты ақпараттар берілді.