30 сәуір күні «Сарайшық» мемлекеттік тарихи-мәдени музей-қорығы «Көршілес музейлер» жобасы аясында Атырау облысы Исатай аудандық музейімен онлайн байланыс орнатты. Осы күні Исатай аудандық музейінің меңгерушісі Гүлмарал Бағытжанқызы музей тарихымен таныстырып, онлайн саяхат жасады. Бұл эфирді Zoom платформасы негізінде музей қызметкерлері және Қ.Қарашаұлы атындағы Сарайшық орта мектебінің 11 сынып оқушылары тамашалады. Өз кезегінде «Сарайшық» мемлекеттік тарихи-мәдени музей қорығы да онлайн-саяхат ұйымдастырды. Бұл саяхатты Аққыстау орта мектебінің оқушылары тамашалап, өз ризашылықтарын білдірді. Музейлер арасындағы байланыс жалғасын тауып, осы бағыттағы жұмыстар жүргізіле береді.