Бүгін №19 мектеп-гимназиясында «Сарайшық» мемлекеттік тарихи-мәдени музей-қорығы ұйымдастырған «Сарайшық керуені» мобильді көрмесі өтуде.
Көрмеде ортағасырлық Сарайшықтан табылған бірегей археологиялық жәдігерлер мен этнографиялық мұралар ұсынылды. Оқушылар Алтын Орда мен Қазақ хандығының астанасы болған киелі шаһар тарихымен танысып, өткенге саяхат жасады.
Бұл игі шара жас ұрпақтың ұлттық құндылықтарға деген құрметін арттыруға бағытталған.
