Абу Райхан Беруни атындағы шығыстану институтындағы жұмыстар

2022 жылғы 25 сәуірде Қазақстан Республикасы Мәдениет және спорт министрлігі Мәденит комитетінің «BR10164208 Қазақстанның батыс өңіріндегі алтынордалық қалалар, көне керуен жолдары және керуен-сарайлар: пәнаралық зерттеулер (ХІІІ-ХV ғғ.)» ғылыми жобасының күнтізбелік жоспарына сәйкес жоба жетекшісі, т.ғ.д., профессор У.Т. Ахметова және “Сарайшық” мемлекеттік тарихи-мәдени музей-қорығының ғылыми қызметкерлері магистр А.Ж. Жұмабаев пен Ж.Р.Байғалиев Өзбекстан Республикасы Ғылым Академиясының Абу Райхан Беруни атындағы Шығыстану институтының оқу залында ізденіс жүргізді.