Janalyktar

Күн тәртібінде талқыланған мәселелер

2023 жылы 26 қазан күн тәртібінде «Сарайшық» сапар орталығында өткен Ғылыми кеңес отырысында музей-қорықтың және ортағасырлық Сарайшық қаласы орнындағы атқарылып жатқан жұмыстары қаралды. Ағымдағы мәселелерде «Сарайшық» мемлекеттік тарихи-мәдени музей-қорығының бас инспекторы А. Тұрарұлы «Музей-қорықтың археологиялық ғылыми-зерттеу жұмыстары және олардың кешенді бағыттары», директор орынбасары Ж. Диярова «Ортағасырлық Сарайшық қақпасының құрылысы және археологиялық кешендерді қайта қалпына келтіру», Атырау облыстық тарихи-өлкетану музейінің ғалым хатшысы Ерлан Тілекқабылов «Атырау облыстық тарихи-өлкетану музейінің Ортағасырлық Сарайшықтағы кешенді қазба жұмыстары», «Бестерек» тарихи-өлкетану музейінің маманы, т.ғ.к. А. Пушкарев «Ортағасырлық Сарайшықта, Қарағайлы, Ащысай мекендерінде, Күліш керуен-сарайына жүргізілген магниттік зерттеулердің алдын-ала қорытындысы», Х.Досмұхамедов атындағы Атырау университетінің профессоры, бағдарлама жетекшісі, т.ғ.д. У.Т. Ахметова «Қазақстанның батыс өңіріндегі алтынордалық қалалар, көне керуен жолдары және керуен-сарайлар: пәнаралық зерттеулер (ХІІІ-ХV ғғ.)» бағдарламасының қорытынды есебін бекіту», музей-қорықтың ғалым хатшысы А. Жұмабаев «Бағдарлама аясында монографияларды баспаға жіберу», «ҚР Мәдениет және спорт министрлігі жариялаған бағдарламалы-нысаналы қаржыландыру конкурсына ғылыми бағдарламаларды ұсыну» және PR-менеджері А. Мұстажап «Сарайшық» сапар орталығына келушілер көзқарасы» тақырыптарын талқылады. Ғылыми кеңес мүшелері музей-қорықтың атқарған жұмыстарына оң баға беріп, алда өтетін шараларға сәттілік тіледі.