2021 жылы «Хан моласы» қазбасындағы сағанадан кішкене матаның қалдығы табылды. Реставратор Тетяна Крупаның зерттеуі нәтижесінде бұл өрнектер салынған қызыл барқыт мата екені анықталды. Бұл тоқыма өнімі толықтай жібектен, алтын жалатылған күміс жіптері бар өте сапалы мата. Оның шыққан жері Осман империясы болуы мүмкін, кезеңі бойынша XV-XVI ғасырларға сәйкес келеді. Бедерлі барқыт матадан тігілген киімдер сол кездегі әлемдік үрдістегі сәнге тән болатын, оны тек бай, беделді адамдар ғана киім тіктірген. Табылған жәдігер Сарайшықтағы «Хан моласы» сағананың ерекше мәртебесін және элиталық екенін көрсетеді.