2022 жылғы 23 маусымында Атырау облысының әкімі Серік Жамбылұлы Шәпкенов ҚР БҒМ Ғылым комитетінің Ә. Марғұлан атындағы Археология институтының директоры, тарих ғылымдарының кандидаты Ақан Оңғар мен “Сарайшық” мемлекеттік тарихи-мәдени музей-қорығы” РМҚК директоры, тарих ғылымдарының докторы, профессор Әбілсейіт Қапизұлы Мұқтарды қабылдады. Кездесу барысында Атырау облысындағы тарихи-мәдени ескерткіштерді қорғау, сақтау және оларды ғылыми зерттеу жайы, бүгінгі ортағасырлық Сарайшық қаласы ескерткішінің өзекті мәселелері талқыланды. Облыс әкімі ғалымдар көтерген мәселелерге қолдау білдірді.