ҚР Мәдениет және спорт министрлігінің 2021-2023 жылдарға арналған «BR10164208 Қазақстанның батыс өңіріндегі алтынордалық қалалар, көне керуен жолдары және керуен-сарайлар: пәнаралық зерттеулер (ХІІІ-ХV ғғ.)» жобасының күнтізбелік жоспарына сәйкес жоба жетекшісі, т.ғ.д., қауым. профессор У.Т. Ахметова және ғылыми қызметкер, магистр А.Ж. Жумабаев қазіргі таңда Ресей Ғылым Академиясы Шығыс қолжазбалары институтының кітапханасы мен архив қорларында ғылыми зерттеу жұмыстарын жүргізуде.
Зерттеу жұмыстарының мақсаты - шығыстанушы зерттеушілердің еңбектеріндегі Қазақстанның батыс өңіріндегі алтынордалық қалалар, көне керуен жолдары және керуен-сарайлары туралы зерттеулерімен танысу және талдау болып табылады.