Бүгін «Сарайшық» сапар орталығына арнайы «Аралсор – 2026» ғылыми экспедициясы және Жайық өзені алабы бойынша «Оренбург – Орал – Аралсор – Индер – Атырау» бағытындағы кешенді экспедиция келіп жетті.
Аталған ғылыми сапар өңірдің табиғи-географиялық ерекшеліктерін зерттеуге, Жайық өзені алабының экологиялық жағдайын зерделеуге және ғылыми ынтымақтастықты дамытуға бағытталған.
Экспедиция құрамында:– Чибилёв Александр Александрович — география ғылымдарының докторы, Ресей ғылым академиясының академигі, Орынбор қаласындағы Дала институтының өкілі;
– Падалко Юрий Алексеевич — Орынбордағы Дала институтының ғылыми қызметкері;
– Курбанов Реджеп Нурмурадович — М.В. Ломоносов атындағы Мәскеу мемлекеттік университетінің ғылыми қызметкері;
– Рамазанов Серік Кішібекұлы — география ғылымдарының кандидаты, Батыс Қазақстан университетінің доценті;
– Галимов Мирас Амангельдиевич — география ғылымдарының кандидаты, Батыс Қазақстан университетінің өкілі;
– Тургумбаев Ахан Аскарович — жаратылыстану-география факультетінің деканы, Батыс Қазақстан университеті.
Құрметті қонақтарға өңіріміздің тарихи-мәдени мұрасы таныстырылып, «Сарайшық» сапар орталығының қызметі жөнінде ақпарат берілді.Осындай ғылыми экспедициялар өңірдені тарихи-мәдени құндылықтарды насихаттауға және халықаралық ғылыми байланыстарды нығайтуға зор үлес қосады.Қонақтарға нәтижелі жұмыс пен сәтті сапар тілейміз!
