10 маусым күні ортағасырлық Сарайшық аумағында Халел Досмұхамедов атындағы Атырау университеті тарихшы студенттерінің археологиялық тәжірибесі басталды. Тәжірибе өткізу “Сарайшық” мемлекеттік тарихи-мәдени музей-қорығы мен Халел Досмұхамедов атындағы Атырау университеті арасындағы өзара бірлескен меморандум арқылы келісілген. Музей-қорық директоры, т.ғ.д., профессор Әбілсейіт Мұқтар студенттермен кездесіп, сәттілік тіледі. Қазбаға университет археологы, практика жетекшісі Амангелді Зайнов, музей-қорық археологтары Айбек Тұрарұлы, Амангелді Жұмабаев және Жүніс Байгалиев басшылық жасауда. Музей-қорықтың ортағасырлық Сарайшықтағы археологиялық қазба жұмыстарын қолдаған Х. Досмұхамедов атындағы Атырау университеті басшылығына рахмет айтамыз!