Бүгін Қазақстан Республикасы Мәдениет және спорт министрлігі Мәдениет комитетінің "Сарайшық" мемлекеттік тарихи-мәдени музей-қорығына Литва Республикасының Қазақстандағы Төтенше және Өкілетті Елшісі Васюлис Гинтаутас арнайы келді. Мәртебелі қонақты "Сарайшық" сапар орталығында музей-қорық директорының орынбасары Жанар Диярова қарсы алды. Елші мырза Сарайшық қаласының тарихымен танысып, ортағасырлық қаланың қазба орындарында болды және Кендір Отарбай Қанатұлының "Алтын Орда мұрасы" атты жеке шығармашылық көрмесін тамашалады.