2023 жылғы 1 маусымда ҚР Мәдениет және спорт министрлігі Мәдениет комитетінің "Сарайшық" мемлекеттік тарихи-мәдени музей-қорығы» РМҚК археологтары ортағасырлық Сарайшық қаласы орнындағы №3 қазбада археологиялық зерттеу жұмысын бастады. Зерттеу жұмыстары ҚР Мәдениет және спорт министрлігі қаржыландыратын «Қазақстанның батыс өңіріндегі алтынордалық қалалар, көне керуен жолдары және керуен-сарайлар: пәнаралық зерттеулер (ХІІІ-ХV ғғ.)» ғылыми жобасы аясында жүруде. Жоба жетекшісі – т.ғ.д., профессор Ұлжан Ахметова. Қазба жұмысына кеңесшілік етуге ұзақ жылдар Сарайшықты зерттеп келе жатқан археолог Вячеслав Плахов қатысуда. Сонымен қатар белгілі нумизмат, т.ғ.к. Павел Петров қазбадан шыққан тиындардың атрибуциясымен айналысуда.