24 ақпанда ҚР Мәдениет және спорт министрлігі Мәдениет комитетінің «Сарайшық» мемлекеттік тарихи-мәдени музей-қорығының бас инспекторы А.Тұрарұлы Астана қаласында «Бозоқ» музей-қорығы ұйымдастырған «Еуразиялық кеңістіктің орталығында ортағасырлық мемлекеттердің ескерткіші – Бозоқ қалашығын сақтау: тұжырымдамалық тәсіл, даму перспективалары» атты дөңгелек үстелге қатысты. Іс-шара аясында «Бозоқ» Ұлттық паркін құру» жобасын іске асыру бағдарламаларымен танысып, ескерткіштерді сақтау іс-тәжірибесі, археологиялық қазбалар нәтижелері талқыға салынды, отандық және шетелдік жетекші ғалымдардың баяндамалары тыңдалды. Әріптестер арасындағы өзара тәжірибе алмасу, озық тәжірибені тарату бойынша мазмұнды шара болды.