2022 жылғы 15 желтоқсанда "Сарайшық" мемлекеттік тарихи-мәдени музей-қорығы 16 желтоқсан - ҚР Тәуелсіздік күні қарсаңында Қ. Дүтбаева атындағы Атырау гуманитарлық колледжіне "Ортағасырлық Сарайшық: Қазақ елінің астанасы" атты жылжымалы көрме ұйымдастырды. Көрмеден палеонтология және этнографиялық жәдігерлер, алтынордалық күміс және мыс тиындар, қыштан түбек, су құбырлары және тиын сауыт орын алды. Көрмені 100-ге жуық көрермен тамашалады. Сондай-ақ музей-қорықтың ғылыми қызметкері, магистр Ж. Байғалиев студенттерге ортағасырлық Сарайшық қаласы тарихы және соңғы жылдары жүргізілген археологиялық қазба жұмыстарының нәтижелері туралы дәріс оқыды.