«Сарайшық» мемлекеттік тарихи-мәдени музей-қорығы жылдық жоспарға сай «Дәріскерлер лигасының» кезекті санын Сарайшық музейінің атқарып отырған жұмыстарына арнады. Музей археологтарының осы жылы жүргізген жұмыстары мен жетістіктері, ғылыми қор және музей қызметі бөлімінің «Назардағы нәрсе», «Музейге-сый», «Дәстүрмен кездесу», «Уақыт үзінділері» айдары бойынша ізденістері, сонымен қатар музейдің халықаралық байланысы туралы 16-18 қараша күндері Қ.Қарашаұлы атындағы Сарайшық орта мектебінің 6-11 сынып оқушыларына баяндалды.