2022 жылғы 17 қазанда "Сарайшық" мемлекеттік тарихи-мәдени музей-қорығына Ұлттық биотехнология орталығы адамның популяциялық генетикасы зертханасының жетекшісі Мақсат Жабағин келді. Ғалымның келудегі негізгі мақсаты ортағасырлық Сарайшық қаласы орнында жүргізілген археологиялық қазба жұмыстары барысында анықталған антропологиялық материалдарды зерттеу. Кездесу барысында музей-қорық басшысы, т.ғ.д., профессор Ә.Мұқтар, археолог В.Плахов және музей-қорықтың ғылыми қызметкерлері антропологиялық материалдарды зерттеу туралы пікірлесті.