2022 жылғы 27 қыркүйекте "Сарайшық" мемлекеттік тарихи-мәдени музей-қорығына т.ғ.д., Вашингтон университетінің профессоры Талант Мауқанұлы келді. Үрімшіде дүниеге келген қазақ бауырымыз бүгінде өзінің ғылыми ізденістерін Америка Құрама Штаттарында жалғастыруда. Талант Мауқанұлы музейдегі жәдігерлермен танысып, Жайық өзені жағасындағы археологиялық нысандарды тамашалады. Сонымен қатар, ғалым "Сарайшық" музей-қорығының жас ғылыми қызметкерлерімен сұхбат құрып, дәріс өткізді.