Сарайшық - Шығыс пен Батыс әлемін жалғастырып, тоғыз жолдың торабы ретінде Ұлы Жібек жолы бойында орналасқан мәдениеті жоғары дамыған қала болған. Осындағы базарда қытай жібектері, үнді маталары мен тропикалық жемістер, арабтың құрмасы мен науаты саттықта болған. Ортағасырлық базардың атмосферасын сезіну мақсатында «Сарайшық» музей-қорығы өз келушілеріне арнап «Ортағасырлық Сарайшық базары» экспозициясын ашты. Қонақтарымызды құдіретті Алтын Орда кезеңінен әсер алуға шақырамыз.