«Сарайшық» мемлекеттік тарихи-мәдени музей-қорығы директоры т.ғ.д., профессор Ә.Мұқтар 2022 жылғы 27-28 мамырда Алматы қаласында «Ұлт рухы – ұрпақ мұраты» тақырыбындағы Қазақстанның І Мәдениет форумы аясында «Музейлердің жаңа Қазақстанды құрудағы рөлі» атты секция жұмысына қатысуда. Форумның музей жұмысы бойынша секциясы Ә.Қастеев атындағы Қазақстан Республикасы мемлекеттік өнер музейінде өтті. Жиынға ҚР Мәдениет және спорт министрлігі Мәдениет комитетінің басшылары, ғалымдар мен музей қызметкерлері, мәдениет саласының мамандары шақырылған.