4-8 сәуір аралығында «Сарайшық» мемлекеттік тарихи-мәдени музей-қорығы Қ.Қарашаұлы атындағы Сарайшық орта мектебіндегі тарих апталығы аясында «Назардағы нәрсе» айдарымен бір жәдігер көрмесін өткізді. Көрмеде жәдігерлермен таныстырушы Н.Қартанбаева оқушыларға музей қорындағы торсық, қамшы, түбектің тарихымен таныстырды. Сонымен қатар «Дәріскерлер лигасы» айдарымен музей қор сақтаушысы О.Сағынбаева бір оқиға желісімен 5 сынып оқушыларына дәріс оқыды. Осы апталықта музейдің ғылыми қызметкері А.Жұмабаев Сарайшық археологтарының қазба жұмыстары туралы дәріс өткізді.