Сарайшық» музей-қорығына Жапонияның Қазақстандағы Төтенше және Өкілетті елшісі Ямада Джун, Жапонияның Қазақстандағы Елшілігінің бірінші хатшысы Кобаяси Такасигэ және "Tokyo Rope Almaty" ЖШС коммерциялық директоры Ешихаро Цуцуми келді. Келген қонақтарға музей-қорықты, ортағасырлық Сарайшық тарихын музей-қорық экскурсоводы А.Шеркешбаева ағылшын тілінде таныстырды. Толыққанды экскурсиядан кейін Жапония елшісі музей-қорық директоры Ә.Мұқтармен кездесті. Мекеме басшысы арнайы келген қонақтарға алғысын білдіріп, екі ел арасындағы тарихи-мәдени келісімнің тарихи рөліне тоқталып, ынтымақтастықтың келешегін, оның ішінде музей-қорықпен байланыстың маңыздылығын атап өтті.