Махамбет аудандық "Жайық шұғыласы" газетінің 80 жылдығы аясында "Атырау-Ақпарат" мекемесі өкілдері, аудандық газеттің бас редакторлары Сарайшыққа келді. Алдымен "Сарайшық" музей-қорығын аралап, тарихқа қанықты. Бас қосуда музей-қорық директоры Ә.Мұқтар журналистерге мекеменің атқарып жатқан жұмыстары мен тарихи-мәдени мұраны қорғау жұмыстары барысында алда тұрған мәселелер жайында, Сарайшықты БАҚ-та насихаттаудың маңызын баяндады. Музей-қорықтың ғылыми жобалары, Қасым ханға қатысты зерттеулер туралы айтып, ел Тәуелсіздігінің 30 жылдығы аясында атқарылып жатырған іс-шаралар барысын да атап өтті. Журналистер тарихи орыннан мол мағлұмат алып, музейден алған әсерлерімен бөлісіп, жылы лебіздерін білдірді.