Аптаның алғашқы күні Сарайшық үшін қуанышты жаңалықпен басталды. 2017 жылдан бері қолға алынған «Сарайшық" сапар орталығы кешенінің қазығы қағылды.

Арнайы бұл шараға Махамбет аудандық жер қатынастары, сәулет және қала құрылысы бөлімінің бас маманы А.Салиев, Сарайшық ауылдық округінің әкімі Ж.Пазулов, құрылыс салушы мердігерлік компания өкілдері қатысты. «Сарайшық» музей-қорығының директоры Ә.Мұқтар туристік кешеннің алғашқы қазығын қақты. Сапар орталығы Сарайшықты туризм орталығына айналдыруға, сыртқы және ішкі туризмнің дамуына септігін тигізеді деп үміттенеміз.