Қазақстан Республикасы Мәдениет және спорт министрлігінің 2021-2023 жылдарға арналған бюджеттік бағдарламасы аясында «Қазақстанның батыс өңіріндегі алтынордалық

қалалар, көне керуен жолдары және керуен-сарайлар: пәнаралық зерттеулер (ХІІІ-ХV ғғ.)» ғылыми жобасын жүзеге асыру мақсатымен «Сарайшық» музей-қорығының археологиялық экспедициясы далалық іссапарға шықты. Жоба жетекшісі Ұ.Ахметова, жоба мүшелері археологтар М.Қасенов пен А.Тұрарұлы жаңа археологиялық нысандарды анықтап, олар туралы ақпараттар беретін жәдігерлерді жинады. Сондай-ақ, дереккөздер боп табылатын жергілікті тұрғындармен сұхбаттасып, мәліметтер алды.