«Сарайшық» мемлекеттік тарихи-мәдени музей-қорығының ұйымдастыруымен «Ортағасырлық Сарайшық қаласының: өткені мен бүгіні» атты облыстық жастар онлайн –семинар өтті.

Өткен іс-шараға Атырау қалалық және Махамбет аудандық Жастар ресурстық орталығының өкілдері, облыстық және аудандық мәслихат депутаттары, ұстаздар және музей-қорық мамандары қатысты. Баяндамашылар ғылым-білім және технологиялар дамыған заманда жастардың тың идеяларын ұтымды пайдалану арқылы тарихи ескерткіштердің қорғалуын қамтамасыз ету; әлеуметтік ортадағы жастардың ерекше орнына негізделе отырып, ортағасырлық Сарайшық қаласында туризм саласының дамуына негіз жасау және жаңа маршруттар дайындауға қатысты құнды ойларын ортаға салды. Семинар соңында қойылған сұрақтарға жауап беріліп, ұсыныс-пікірлер тыңдалды.