Бүгін «Сарайшық» мемлекеттік тарихи-мәдени музей қорығы» РМҚК ғалымдары Махамбет ауданы әкімдігімен бірлесе «Сарайшық-Прорва-Бұрыншық-Атырау-Сарайшық» ғылыми-зерттеу экспедициясымен сапарға шықты.

Экспедиция мақсаты: ҚР Білім және ғылым министрлігі қаржыландыратын «ГУЛАГ жүйесіндегі Прорва және Астрахань лагерлері (1932-1950 жж.): тарих, естелік, тағылым» ғылыми жобасын жүзеге асыру барысында ГУЛАГ лагерлер жүйесіндегі Прорва, Бұрыншық лагерлерінің 3D моделін, аэро -фото, -видео түсірілімдерін жасау және лагерлер орнына тарихи-археологиялық барлау жұмыстарын жүргізу, материалдар жинақтау. Экспедиция нәтижесінде болашақта облыста, республикада, шетелде арнайы көрмелер ұйымдастырылмақ. Экспедицияға қажетті архивтік құжаттар Ресей Федерациясының Мәскеу, Астрахань қалаларының архивтерінен алынды.