2024 жылғы 26 қыркүйекте Алматы қаласында К. Ақышевтың 100 жылдық мерейтойына арналған “Қазіргі таңдағы Еуразия археологиясының көкжиегі және парадигмасы” І Халықаралық археологиялық симпозиумы басталды. Симпозиумның “Орта ғасырдағы Еуразия даласындағы көшпенділер мен урбанизм” атты секциялық бөлімінде “Сарайшық” мемлекеттік тарихи-мәдени музей-қорығының ғалым хатшысы Амангелді Жұмабаев “Сарайшық аумағындағы пәнаралық зерттеулер: алғашқы нәтижелер” тақырыбында баяндама жасады. Баяндаманы тыңдаушылар жақсы қабылдап, қызықтырған сұрақтарына жауап алды.