ҚР Мәдениет және ақпарат министрлігі Мәдениет комитетінің 2023-2025 жылдарға арналған «Алтынордалық Сарайшық, Ұшқан, Ащысай, Қарағайлы ескерткіштері тарихи-мәдени мұра контекстісінде (ХІІІ-ХV ғғ.)» бағдарламасының жоспарына сәйкес бағдарлама мүшелері “Сарайшық” музей-қорығының директоры, т.ғ.д., профессор Ә.Қ. Мұқтар, бағдарламаның ғылыми жетекшісі, т.ғ.д., профессор У.Т. Ахметова және аға ғылыми қызметкер, магистр А.Ж. Жумабаев Өзбекстан Республикасы Ғылым Академиясы Ұлттық археология орталығының ғалым хатшысы, т.ғ.к. Дурдонахон Муродова, бас ғылыми қызметкер, т.ғ.д. Ғайбулла Бабояров, т.ғ.к. Мунира Хатамова және Өзбекстан Республикасы Ғылым Академиясы Тарих институтының директоры, т.ғ.д., профессор Азамат Зиё, директордың ғылыми істер жөніндегі орынбасары, т.ғ.д. Дилноза Джамаловамен кездесті. Кездесу барысында өзара бірлескен ғылыми-зерттеу жұмыстарын жүргізу, маман кадрлар даярлау, конференциялар, семинарлар ұйымдастыру мәселелері талқыланды.