“Сарайшық” музей-қорығының директор орынбасары Ж.Диярова АҚШ еліндегі тәжірибе алмасу барысында әлемдегі ең ірі кітапханалардың бірі болып саналатын Конгресс кітапханасына музей-қорықтың 2018 жылдан бастап жариялаған ғылыми еңбектер жинағын тапсырды. Ұсынылған кітаптар үшін шынайы ризашылығын білдірген АҚШ Конгресс кітапханасының Таяу Шығыс және Африка әдебиеті бөлімінің директоры Жоан Викс бұл ғылыми еңбектердің кітапхана қорларында лайықты орын алатынын атап өтті.
