Бүгін ҚР Ұлттық музейінің ұйымдастыруымен еліміздегі музей мамандары қатысқан «Музей экспонаттарын жетекші шетел реставрациялық зертханаларында консервациялау және қалпына келтіру» жобасы аясында алынған сабақтармен бөлісу (металл, керамика, кескіндеме, қағаз бұйымдарын қалпына келтіру) атты семинар–практикум өтті. Музей жәдігерлерін консервациялау және қалпына келтіру туралы баяндамалар оқылып, талқыланды. Одан кейін осы тақырыпта мамандардың шеберлік сабақтары көрсетіліп, қағаз, метал, қыш бұйымдарды сақтау тәсілдері баяндалды. Біліктілік көтеру шарасына «Сарайшық» музей-қорығының археологтары А. Тұрарұлы мен Н. Жексенбаев қатысты.