Кітап – асыл рухани қазына. Бүгін, 14 ақпан – Халықаралық кітап сыйлау күніне орай «Сарайшық» музей-қорығы Ғабдол Сланов атындағы Атырау облыстық ғылыми әмбебап кітапханасына ғылыми бағдарлама аясында жарық көрген «Батыс Қазақстандағы Алтынорда қалалары, керуен сарайлары және керуен жолдары (XIII-XVI ғғ.)» мен «Жайық бойы Алтынорда қалалары» кітаптарын сыйға тартты. Бұл кітаптар XIII-XVI ғасырлардағы Қазақстанның батыс өлкесіндегі Алтын Орда қалалары, керуен сарайлары мен керуен жолдарын жаңаша саралайды.