Бүгін, 2023 жылдың 28 желтоқсанында «Сарайшық» музей-қорығының 60 жылдық мерейтойына арнайы «Сарайшық» музей-қорығының белестері» көрмесі ұсынылды. Музей-қорық өз бастауын 1963 жылдан мектеп музейінен алады. Сарайшық орта мектебінің тарих пәні мұғалімі Мұстажап Намазғалиев 1963 жылы Сарайшық өлкетану музейінің қоғамдық негізде ашылуына себепкер болды, кейінгі жылдары музейдің қалыптасып дамуына Қуанғали Жұмалиев, Молдаш Бердімұратов жəне өзгелер еңбек сіңірді.