Бүгін, 2023 жылдың 22 желтоқсан күні «Сарайшық» мемлекеттік тарихи-мәдени музей-қорығында Ғылыми бағдарлама аясында дайындалған еңбектердің тұсаукесері өтті. Іс-шара барысында ҚР Мәдениет және ақпарат министрлігінің 2021-2023 жылдарға арналған «Қазақстанның батыс өңіріндегі алтынордалық қалалар, көне керуен жолдары және керуен-сарайлар: пәнаралық зерттеулер (ХІІІ-XV ғғ.)» ғылыми бағдарламасы аясында жарық көрген «Батыс Қазақстандағы Алтынорда қалалары, керуен сарайлары және керуен жолдары (XIII-XVI ғғ.)» монографиясы мен «Жайық бойы Алтынорда қалалары» кітабы таныстырылды.