2023 жылдың 11 желтоқсан күні «Сарайшық» музей-қорығының ұйымдастыруымен Қ.Қарашұлы атындағы Сарайшық орта мектебінің 6-сынып оқушылары арасында дәстүрлі ұлттық ойындар сайысы өтті. Шара басында музей-қорық мамандары балаларға «Асық ату», «Тоғыз құмалақ» ойындарының тарихы мен ережелерін түсіндіріп, дәстүрлі ойындардың қыр-сырларын ашты. Оқушылар қызығушылық танытып, ойындарға белсене қатынасты. Шара аяғында оқушылар арасында пікір алмасу өтіп, өз алған әсерлерімен бөлісті. Дәстүрлі ұлттық ойындар сайысында өз біліктіліктерін көрсеткен оқушылар алғыс хатпен марапатталды.