2023 жылдың 24 қараша күні «Сарайшық» сапар орталығына Украина Республикасының Қазақстандағы Төтенше және Өкілетті Елшісі Павленко Сергей Николаевич, хатшысы Владимир Раиков, Қазақстан халқы Ассамблеясының мүшесі, «Довира» украин этномәдени бірлестігінің жетекшісі Синицына Виктория Викторовна арнайы келіп, ортағасырлық Сарайшық қаласының тарихымен танысты. Музей экспозициясын аралап, Сарайшықтың аңыздарын тыңдап, «Табиғатпен сырласу» көрмесін тамашалады. Экскурсия соңында меймандар музей-қорыққа алғысын білдіріп, тілек кітабына қолтаңбаларын қалдырды.